ត​អ្នក​ប្រើ iOS 10 ចង់​ដាក់​លេខ​ទូរស័ព្ទ បែប​នេះ​អត់?

និយាយទៅ គន្លឺះនេះ ខេមបូ ក៏ធ្លាប់​បង្ហាញ រួចម្តង​មក​ហើយ​ដែរ តែ​កាល​នោះ វា​នៅ​ជា ជំនាន់ Beta នៅ​ឡើយ ហើយ​មិន​ច្បាស់​ថា ពេល​នោះ វាអាច​នឹង ដំណើរការ គ្រប់ឧបករណ៍ រឺក៏អត់ផង ព្រោះសង្កេត​ឃើញ​ថា មាន​អ្នកខ្លះ ធ្វើតាមបាន ឯអ្នកខ្លះទៀត ធ្វើតាមដែរ តែមិនដំណើរការ។

ហេតុដូច្នេះហើយ នៅក្នុងពេលនេះ ស្របពេលដែល iOS 10 បានបញ្ចេញ ជាផ្លូវការ មកដល់ iOS 10.1.1 ហើយ​នោះ ខេមបូ សូមណែនាំ នូវវិធី ប្តូរទម្រង់លេខ បរទេស ទៅជា លេខខ្មែរជាតិយើង ម្តង​ទៀត សម្រាប់ប្រិយមិត្ត ដែលប្រើប្រាស់ នូវប្រព័ន្ធប្រតិបត្តិការ iOS 10 ទាំងអស់។ ដូចនេះ ចង់ដឹងថា ត្រូវ​ចុច អ្វីខ្លះនោះ សូមតាមដាន ជាមួយខ្ញុំ ទាំងអស់គ្នា នៅការណែនាំ ខាងក្រោមនេះ!

ការណែនាំ៖

1. ជាដំបូង សូមចុចចូល Settings > General > Language & Region
2. បន្ទាប់មក សូមធ្វើការ​ Add ភាសាខ្មែរចូល ដោយចុចលើពាក្យ Other Languages ឬក៏ Add New Languages (បើសិនជា Add ខ្មែរ ហើយនោះ សូមអនុវត្ត ជំហ៊ានទី 3)
3. ក្នុងប្រអប់ Search សូមវាយពាក្យ “Khmer” ហើយធីកលើ ពាក្យដែលបាន Search ឃើញនោះ > ចុច Done > ចុច Prefer Khmer

បញ្ជាក់ថា៖ ធ្វើតាមណាក៏បាន អោយតែ ខ្មែរ នៅពីលើ English!

4. ត្រង់ Region សូមជ្រើសយក Cambodia ហើយចុច Done (បើមានស្រាប់ សូមបន្តជំហ៊ានបន្ទាប់)
5. ត្រង់ Numbers សូមជ្រើស លេខជា ទម្រង់ជាតិយើង ជាការស្រេច!

ឥឡូវនេះ អ្នកបាន កំណត់វា ដោយជោគជ័យហើយ, អបអរសាទរផង! ហើយក៏សូម បញ្ជាក់ប្រិយមិត្ត ទាំង​អស់គ្នា ម្តងទៀតផងដែរថា គន្លឹះនេះ គឺដំណើរការ សម្រាប់តែ ប្រព័ន្ធប្រតិបត្តិការ iOS 10 ឡើងទៅ តែ​ប៉ុណ្ណោះ។ អូ! បើមានចម្ងល់ត្រង់ណា អាចសរសេរបញ្ចេញ នៅខាងក្រោមនេះបានណា!!!